5 novembre 2011- I Soci del CCGG

ph con autoscatto di Nino Bellia

 Bagheria, 5 novembre 2011 - I soci del Circolo Culturale "Giacomo Giardina"

(Da sx) Nino Bellia, Michelangelo Di Lorenzo, Antonino Lo Piparo, 

Vincenzo AielloCenzi Caruso, Giovanni Mannino, Paola Galioto, 

Salvatore Marfia, Giuseppe Bagnasco,Giovanni Varisco, 

Salvatore Lo Verso, Rosa Tomasello, Angela Rita D'Amato, 

Giuseppe FumiaPina Carlisi, Salvo Inserauto e Carlo Puleo

Premio di Poesia "Giacomo Giardina" 10 Ediz. 2011

Menzione Speciale ad Alberto Criscenti, ritira il premio Giovanni Mannino

Premia lo scultore Giovanni Varisco

Ancilu

ph Giovanni Mannino

Adalgisa Giannalia




Angelo

ANCILU

A ‘n’ancilu
ca vitti di sgarrubbu
cci vosi dumannari:

“Unn’è l’autru munnu ? ”.
Iddu m’arrispunniu :
“ E’ ccà ! “

Quannu sta vita
ti vota li spaddi
ti cci trovi ‘n-funnu.

I^ Silloge di Poesie Edizioni 2003 -Pinzeri 'nta la carta-

Foto di Giovanni Mannino

I^ Silloge di Poesie -Edizioni 2003

"Pinzeri 'nta la carta"

con prefazione del Dott. Giuseppe Bagnasco

3^ Silloge di poesie "A SIPALA" Edizioni 2010

Foto di Giovanni Mannino

3^ Silloge di Poesie -Edizioni 2010

"A SIPALA"

con prefazione del Prof.Alfio Inserra

Cuzziannu cuziannu

Cozze

“LE COZZE DI GIOVANNI VARISCO”
------------


CUZZIANNU CUZZIANNU

Niuri comu la pici
cu la porta a vanedda
d’unni s’affaccianu
comu principissi
vistuti russu curaddu.

‘Nzocch’è ca cci mittisti!
cocu di gran talentu
pueta di cucina
ca cu trasi ccà
nesci cu la panza china.

‘Un è un cumplimentu
ma divina viritati
Variscu sì’ lu Re
lu Re di li pignati.

Bagheria, 13.01.07

Jttata d’accussì senza pritisi
all’amicu Variscu
ca ‘un talia spisi.

Giovanni Mannino e Michelangelo Di Lorenzo

Vina di ouitari

Canterano

VINA DI PUITARI

La vina di puitari
mi vinni a tarda ura
quannu già la menti
‘un riggìa cchiù curuna

Li versi ca mi vennu
scriviri l’haju allura
prima ca la menti
di bottu l’abbannuna.

Pi lu pueta
ca ‘un havi pinna ‘n manu
cci voli un ciriveddu
quantu un cantaranu.

Vi portu un paraguni:
“Lu sceccu
ca di ciriveddu abbunna
l’aviti mai vistu
cu la pinna ‘n manu” ?

Lu purrettu

Porro o verruca

LU PURRETTU

Avia un purrettu
‘nta la mascidda dritta
ca ogni vota ca lu livav
iddu puntualmenti rispuntava.
Un ghiornu mi vinni ‘nta la menti
di ricuvirarimi di prescia a lu spitali
pi farimi la plastica facciali.

Lu dutturi ca mi visitò mi dissi:
“Chistu è nenti”!
Haju a fari lu ‘nnestu
cu la tò stessa peddi.
Ma ‘un mi dissi
d’unni l’avia a pigghiari
sta biniditta peddi.

‘Nta lu mumentu
ca m’avia a tagghiari
mi ‘ntisi tuccari lu darreri.
P’istintu mi rintisi
spustannu lu darreri appena avanti .
“Statti fermu”! mi dissi lu dutturi
“la peddi haju a pigghiari
pi lu ‘nnestu putiri fari”.

Ddà pi ddà fici un gran pinzari
e ‘ntra mia e mia dissi:
“Chistu mi voli ruvinari
scanciannu la me’ facci pi lu mè darreri”.

“M’havi a scusari” cci dissi a lu dutturi:
“Facissi tuttu chiddu ca voli fari
ma la facci di culu NO !
La facci di culu ‘un mi l’havi a fari”.